الإختيار

الاختيار!! و لا مش بتكلم على مسلسل الاختيار انا بتكلم على معضلة الاختيار..

في كتاب اسمه

Paradox of choice

بيتكلم على تناقض الاختيار و هل وجود اختيارات كتيرة و حرية زيادة دي حاجة صحية و لا لأ

الكتاب بيناقش فكرة ان كل ما تكون الاختيارات كتيرة, كل ما دا بيسبب شلل في  اتخاذ القرار لان الشخص الي بياخد القرار دا ممكن يتلغبط و يحس بضغط من كمية الاختيارات الي قدامه... و ان كل ما الاختيارات.. بتزيد ثقته في قراره بيقل و احتماليه الندم على القرار بتكون اعلى.. دا غير الوقت الي بيضيع عشان تاخد قرار واحد

انما قصاد كدة ففي فكرة بتقول انك لما تحد من الاختيارات دا بيقلل من حرية الشخص و بتخليه موجه لقرارات معينه و ممكن يؤدي لضياع الفرص لاكتشافات مختلفة و تجارب جديدة دا غير ان الناس مش زي بعض, يعني الي ينفع لشخص مش شرط ينفع للتاني

الكتباب بيقارن ما بين نوعين ال

Maximiser vs Satisficer

Maximiser

هو الشخص الي عايز الاختيار الافضل بشكل مطلق فمثلا لو عايز يشتري جاكيت بيفضل يدور في كل المحلات و يقارن الالوان و المقاسات و الاسعار بشكل مكثف قبل ما ياخد القرار

انما ال

Satisificer

هو الشخص الي بيدور على حلول تلبي معاييره يعني لو رجعنا لمثل الجاكيت هو بيبقى حاطط السعر الي هيشتري بيه و اللون الي عايزه و المقاس فاول ما بيلاقي الي يرضيه بياخده من غير ما يدور تاني

النوعين ليهم مزاياهم و عيوبهم فالنوع الاول ممكن يلاقي افضل نتيجة لكن بعد ضغط كبير من كمية الاختيارات اما النوع التاني فهيكون راضي اكتر عن قراره لكن ممكن يفوت عروض اكتر

 في كاتب و عالم سياسي اسمه روبرت لين بيقول ان زيادة الحرية بتكلفنا انخفاض في كمية و نوعية العلاقات الاجتماعية و دا بياثر على نفسيتنا بشكل سلبي

قولولي في التعليقات هل انتم مع زيادة الاختيارات و لا تحديد الاختيارات و ليه؟