خليك واضح!

كام مرة حصلت مشاكل او خناقات او مشاعر اتجرحت بسبب سوء فهم؟ كتير صح!

ده الوقت الي لازم ندرك فيه اهمية التواصل الواضح عن أفكارنا, مشاعرنا, تحدياتنا علشان نقدر نتجنب فيه مشاكل من النوع ده

افتكر انك لما بتسمع و بتقدر تفهم الي قدامك بشكل واضح بتقدر كمان انت ترد عليه بشكل واضح مفيهوش اي لبس لانك بتبقى فاهم وجهة نظره  

علشان اكون واضحة لازم اكون بقدم تفاصيل او امثلة للي قدامي علشان يفهمني بشكل احسن

اما بقى  بالنسبة للوعود فلازم نتأكد ان كل الاطراف عندها نفس التوقعات عشان ميبقاش عندنا اي مشاكل

حاجة اساسية و احنا بنقدم الوعود ان احنا لازك نكون عارفين قدراتنا ومواردنا ووقتنا علشان منلتزمش بحاجة واحنا مش قدها

لما تيجي ظروف غير متوقعة تمنعنا ان احنا نحقق الوعد دا.. الوضوح هو الحل و هو المفتاح الي بيساعدنا نكون بنواجه اي تحديات و اي تغييرات