متعة كلمة " لأ"

كلمة لأ لما نقولها بشكل صح و مناسب ليها اهمية كبيرة في حياتنا عشان نقدر نحافظ على حدودنا الشخصية و المهنية و نحافظ على وقتنا و طاقتنا للحاجات المهمة لينا  و نركز فيها و و نحافظ على نفسيتنا من الضغط العصبي الي بيسببه الموافقة على كل حاجة حتى لو مش مناسبة لينا

طب اعمل كدة ازاي لو انا متعود على كلمة نعم و حاضر؟ في كتاب The joy of saying no  بيتكلم على 6 مراحل

1-   المرحلة الاولى عبارة عن تجربة لمدة اسبوعين الاسبوع الاول سجل كل كلمة "نعم" و " لأ" و " يمكن" و ازاي كل واحدة اثرت على مشاعرك

الاسبوع التاني حاول تقلل من كلمة نعم و حاضر خصوصا لو انت بتعمل كدة عشان ترضي الي حواليك و بس

2-   المرحلة الثانية فكر في الانماط المشتركة الي ظهرت في خلال الاسبوعين زي اشخاص مشتركة او مواقف متكررة

3-   المرحلة الثالثة انك تفتكر حتى لو في طفولتك ايه الحاجات الي خليتك تفضل الاخرين عن نفسك

4-   المرحلة الرابعة هي انك تخلي كل التقييمات الاولية جزء من تجربتك اليومية و انت بتقول اه او لا و على فكرة اكيد هيكون في حاجات مش عايز تعملها بس لازم تعملها بس حاول ان ده يكون بحدود عشان تقدر تحافظ على احترامك لنفسك

5-   المرحلة الخامسة انك تبدا تطلب حاجة محتاجها من شخص معين من غير ما تتكسف او تحس انك لازم تدي بس من غير ما تاخد و افتكر ان العلاقات زي شارع ليه طريقين رايح و راجع

6-   ألمرحلة السادسة هي التعامل مع التحديات الي هتظهر من وقت للتاني انك تقدر تقول كلمة " لأ" لارضاء الي حواليك مش هيجي مرة واحدة و هيكون في اوقات هتتراجع لوؤاء المهم انك تستفيد من المواقف عشان تعرف تتعامل في المرات الي بعدها

افتكر انك لما تكون انسان حقيقي و طبيعي ده هيفرق في حياتك و حياه الاخرين